麻辣小聚 (93WYS) (Closed)

今日見到公司附近開咗一間新嘅餐廳，就係呢一間麻辣小聚！平時喺公司附近食lunch都已經食到厭晒，所以今日難得見到有新開嘅餐廳，所以就一於走去試吓！呢間餐廳都係主打川味嘅菜式，所以我自己都叫咗一份高山筍炒四川臘肉！❤️❤️首先一定要講吓呢度嘅高山筍，呢個筍真係非常清甜，而且好爽，望落去嘅顏色都已經非常有食慾！另外仲加埋呢度四川嘅藍玉，呢個臘肉非常惹味，而且咬落去嘅時候唔會好硬！仲要有好香濃四川嘅麻辣風味！所以呢個餸真係非常好配合送飯！整體來講，呢間餐廳嘅麻辣風味好吸引，而且性價比好高，做飯堂一流！