廈門風味阿珠小吃店 (Closed)

兩年前我已幫襯過這小店，一直難忘佢的香芋盒及蠔仔炒河，可惜位置太偏遠，又唔多就腳，一直都無再來。今晚終於都男朋友無聊下，找尋這小店。男朋友事前沒試過，一點也不知道我為何這樣執著。找了很久終於都找到，真是好唔就腳...今次叫了蠔仔炒河，廈門炒米，香芋盒及炒菜心。個香芋盒真係好好味，一點也不油膩，而且好重芋味。個廈門炒米，都好特別，唔知點講好，總之好味。蠔仔炒河都好，好多蠔仔，好正，但略嫌太多油了。我地仲叫了菠蘿冰，兩罐汽水，都係70蚊埋單，仲食得好開心。咁好的質素只是這個價錢真係物超所值。但環境就一般，今日我地後面張檯有幾個『怒漢』，講野大聲都嚇死人，佢一出聲好似人地打交咁~ 次次都嚇我一跳。