錦麗 (Closed)

鍾意食牛嘅人，會好鍾意食呢度嘅牛丸越南河粉。因為佢啲牛丸嘅牛味好重，即係有一種動物嘅熏腥，同事都覺得好正。我自己就麻麻，因爲我本身唔係好頂得順牛羊嗰種腥味。所以，我係呢間食河粉有名嘅店叫咗咖喱雞飯 :0)佢話係Vietnamese curry嚟，但其實感覺同泰咖喱無咩分別。但係，真係勁勁勁好食。好香，好熱，雞肉好多，薯仔煮得好淋身，索哂啲汁。連我同事都話覺得好香，望落好想食。環境都幾好，裝修幾靚，好評。