月島 (Closed)

月島其實一早想試下，可惜我時間就唔到，但今日 終於試咗，係午市黎嘅!價錢唔算貴， 食物質素 ok ，大家可以值得一試!有啲人就話貴 ，但係 一分錢一分貨， 睇你識唔識食!今日我同我老公兩個去食， 我食咗咖哩牛肉丼，而我老公就食左刺身配紫菜飯!咖哩牛肉丼， 佢係飯，咖哩，牛肉， 都係分開一碟碟嘅，淨係呢樣嘢我已經覺得好有誠意~仲要只係幾十蚊， 又有茶 ，又有凍飲，好低食!另外刺身配紫菜飯， 刺身同飯都係分開放~（ 我都係覺得好有誠意） 而且又有裝飾 ，見到佢D裝飾應該都唔平， 但係個飯只係賣緊＄8X.好低食!可能有啲人會嫌分量少， 不過我覺得呢個價錢，呢個份量係正常， 如果又平又大碟，不如你自己飛去日本食啦!岩唔岩先?到最尾都有驚喜， 我哋食咗個芝麻雪米糍， 如果你喺出邊食呢粒嘢， 一定係硬掘掘畀你， 但佢哋亦都好有誠意 ，攤到啱啱好軟身先畀你， 試問有幾多間可以做到?最後要讚，員工真係好有笑容， 亦都有禮貌， 其中一個男員工， 我眼見佢服務真係好好， 隔離枱 一男一女走， 佢驚女士唔記得咗拎手袋， 幫佢遞起埋個袋， 然後叫佢記得拎， 雖然當事人唔係我， 但我見到呢個情景，我都會覺得好窩