小農夫拉麵食屋 (Closed)

其實已經好似係兩個星期之前去食 (所以唔記得晒啲菜式名)，但係嗰陣未開OpenRice戶口，所以而家先寫返個食評。真係好好食呀，最鍾意係嗰個豬仔骨，佢會點火，啲火燒完之後嗰舊骨熱辣辣，仲有少少炙燒的味道，好啱用嚟影相 / 影片呃like。嗰碟雞都唔錯，兩碗拉麵清清地幾好食。嗰杯嘢飲冇影到，印象中係雪耳乜乜之類，好飲呀，感覺幾健康。最後嗰個黑松露糖心蛋係加錢的，好食，值得一試！雖然本人對有機或者本土食物其實沒有太大的fancy，但係這小店是有理念的小店，用心經營，又唔算太貴，值得支持。去食嗰日成間鋪頭冇乜人，可能因為已經係三點幾下午茶時間，希望佢做得着唔會過一排無啦啦消失左啦。