簡單d 講， 佢係好食同抵食的， 但咁既服務態度， 唔駛錢我都唔會再去。。。
我之前去過紅磡果間兩次， 食物， 環境同服務態度都ok 的， 所以先會有第二次
今次同第二班朋友去， 諗住太子交通方便過紅磡， 所以決定試試太子分店， 無諗過會食得咁激氣
一坐低無耐， 雞煲好快上， 但食左唔夠一半， 就埋黎要我地落火鍋料order, 我不嬲食雞煲都係食到八成以上先開始揀火鍋料的， 個哥仔見我地咁既表情， 就話'要時間執火鍋料架', 哈， 真係辛苦晒喎
隔一陣， 火鍋料上晒檯， 叫佢加湯， 嘩， 少得可憐， 我於是同d frd 講， 我覺得似火文 野多過打邊， 我d frd 話緊係啦，佢想快d 滾起你食快d 嘛， oh, 我真係好春虫虫
之後， 全程有人企後面監視住你食， 仲會有怪手不時伸入來不停禁制加大你個火， 車， 你識禁大， 我唔識禁番細咩， 如是者， 怪手伸入黎好多次之後， 我們的正義男士朋友出聲制止佢， 叫怪手唔好再加大個火， 我地朋友塊面面比d 蒸氣蒸得好辛苦了， 怪手主人於是黑晒面
食到七七八八， 已火速執檯， 都算， 仲比埋張單黎叫你出去埋單， 我朋友個口仲食緊野未吞， 唉， 咁既服務態度， 真係不知所謂
出到門口， 嘩， 等位既人多得好誇張， 企滿路邊。 明白你急於番檯， 但唔代表可以用呢d 服左態度待客lor
一定無下次！！！
