二鍋頭 (嘉芙中心)

Open Now

Now Closed

近排天氣開始冇咁熱就想食雞煲同埋打邊爐了🤣今次喺佐敦見到一間做雞煲/鴨煲/豬手煲/火鍋放題任食。叫咗個鴨煲小辣，店員上菜之後就會落少少玫瑰露跟住就會點火🤣鴨煲裏面有油鴨同新鮮鴨，油鴨夠惹味，新鮮鴨肉質好嫩滑，食落好有鑊氣而且辣到啱啱好少少辣食得好滋味。食完鴨煲就打邊爐啦，呢度有八款湯底選擇我就揀咗個滋補藥膳鍋，火鍋都有好多唔同嘅配料，有美國肥牛、鮮滑牛肉、美國黑豚、鮮雞、新鴨等等，仲有好多唔同嘅海鮮，選擇都好多款，新鮮吊桶仔、帆立貝、墨魚仔等等，當中白鱔片覺得幾好食😋。另外仲有飲品同雪糕、雪條任食添。