Video
Read full review
2020-12-20
36 views
同男朋友路經太子，突然間想食越南菜，咁啱就見到附近有一間就狗衝去試吓啦。去到門口時發現好多人，仲擔心有冇位🤨，好彩大多數人都係等緊外賣，我哋唔駛等好耐就已經有位食飯💕。食物款式好多，河粉、檬粉、飯等等。午市連小食都有提供，啱晒我哋想試唔同嘅食物😌。我哋分別嗌咗生牛肉河粉、大蝦春卷撈檬、手作炸軟殼蟹米卷、越式香滑濃咖啡、凍越南椰子冰。生牛肉河粉 $42份量非常足夠，我一個女仔食有麵淨。牛肉嘅份量好多，上枱嘅時候仲係生牛肉，而個湯都唔係一般嘅清湯，好有牛香味喎😍。幾欣賞佢嘅芽菜、青檸、香葉係另上嘅，因為唔係每一個人都鍾意以上嘅配料。芽菜都要讚一讚，佢係銀芽，姐係無大豆又無根，好正。我平時唔會係街食芽菜，因為我淨係銀芽😂，依到都有真係估佢唔到。下次都應該會再嗌，好抵食！大蝦春卷撈檬 $66份量比河粉更多，男朋友食到捧住個肚走。撈檬粉既汁調味好好，唔會太鹹，唔會太酸，非常惹味，用嚟撈檬粉一流，增加食慾🥰。值得一讚嘅係佢嘅炸物，炸大蝦同炸春卷都係熱辣辣嘅，上枱時都要吹凍佢先食得入口🤪。大蝦已經開咗邊，起埋蝦腸，食嘅時候好鬼方便，唔使落手落腳去剝蝦殼🤤。多菜又多麵，都係個句啦，真係好抵食啊。手作炸
生牛肉河粉 $42
份量非常足夠，我一個女仔食有麵淨。牛肉嘅份量好多，上枱嘅時候仲係生牛肉，而個湯都唔係一般嘅清湯，好有牛香味喎😍。幾欣賞佢嘅芽菜、青檸、香葉係另上嘅，因為唔係每一個人都鍾意以上嘅配料。芽菜都要讚一讚，佢係銀芽，姐係無大豆又無根，好正。我平時唔會係街食芽菜，因為我淨係銀芽😂，依到都有真係估佢唔到。下次都應該會再嗌，好抵食！
大蝦春卷撈檬 $66
份量比河粉更多，男朋友食到捧住個肚走。撈檬粉既汁調味好好，唔會太鹹，唔會太酸，非常惹味，用嚟撈檬粉一流，增加食慾🥰。值得一讚嘅係佢嘅炸物，炸大蝦同炸春卷都係熱辣辣嘅，上枱時都要吹凍佢先食得入口🤪。大蝦已經開咗邊，起埋蝦腸，食嘅時候好鬼方便，唔使落手落腳去剝蝦殼🤤。多菜又多麵，都係個句啦，真係好抵食啊。
手作炸軟殼蟹米卷 $76
份量比以上兩碗麵更加多😂，$76一份竟然比八舊米卷我，好痴線😍。米卷入面有好多好多嘅檬粉，好實淨，正常女仔嚟食呢八件已經飽咗😆。本身味道都唔錯，如果佢比埋啲醬汁我地點應該會再好食。下次會試下另一款米卷，希望佢保持到大件夾抵食🤪。
午餐跟餐 $10 一杯
左：凍越南椰子冰（有椰子粒）
右：越式香滑濃咖啡
飲品方面正正常常，佢用台式飲品杯去裝，就算飲唔晒都可以拎走。不過希望佢疫情完咗之後可以用返正常杯啦，支持環保呀嘛🤞🏻。
店員態度好好！我地仲見到有個檸檬水塔，應該係比等外賣嘅人同外賣員拎黎飲，貼心喎又❤️。
埋單$204（無加一）
Post
