廟街冰室 (Closed)

呢排天氣真係好熱。同個老外friend行完廟街有少少頂唔順。好彩搵到呢間廟街轉角既茶餐廳 。air con加杯紅豆冰。超舒服。又順便帶埋個friend食地道茶餐廳，一舉兩得！落到廟街都想食下煲仔野。睇open rice d師兄話柱候牛筋腩煲正。叫左一個俾老外。佢話好食。應該堅既見佢汁都撈埋。我自己呢就叫左蟲草雲耳蒸雞。大熱天時清清地幾啱食。啲雞都幾滑唔係蒸左放喺到forever果啲。至於間舖既環境都算幾好，幾乾淨。又有啲懷舊野俾我個friend影下相。唔知係咪無行開呢頭食野，我覺得價錢真係好抵，兩個人食晚餐有湯有小菜有飯有野飲都係60蚊一個人。