Video
Read full review
2023-04-16
12 views
不嬲都話紅磡多美食小店，因為呢度好多橫街小巷，唔單止開得夜，質素仲唔差。唔好睇少呢間小店，雖然已經開咗一段時間，但係平時食飯時段無論外賣或者堂食都永遠大爆棚，今晚睇完戲，想食少少嘢先返屋企，行過經過見到唔使排隊，就入咗嚟食。呢度所有嘢都可以揀大中小辣，喺度做嘢嘅人都超好人，態度好好。講明係口痕想試，所以叫嘅嘢唔多，但係都係平時我食串燒店必要嘅嘢。牛舌心 $36 一串，油魽魚鮫$88一份，蒜蓉扇貝$65/2隻，同雞髀菇$15一串。個人最欣賞個蒜蓉扇貝，超多蒜蓉同蔥， 超重口味，勁正！油魽魚鮫，連我朋友平時唔食魚，都話幾好食，佢燒得啱啱好，唔會過油，另外牛舌心講明係心，當然係最正嗰一小舊啦，口感好好，調味更加好！食完走嘅時候先見到呢度都有賣香辣魚皮，下次再嚟一定要試吓！
呢度所有嘢都可以揀大中小辣，喺度做嘢嘅人都超好人，態度好好。講明係口痕想試，所以叫嘅嘢唔多，但係都係平時我食串燒店必要嘅嘢。牛舌心 $36 一串，油魽魚鮫$88一份，蒜蓉扇貝$65/2隻，同雞髀菇$15一串。個人最欣賞個蒜蓉扇貝，超多蒜蓉同蔥， 超重口味，勁正！油魽魚鮫，連我朋友平時唔食魚，都話幾好食，佢燒得啱啱好，唔會過油，另外牛舌心講明係心，當然係最正嗰一小舊啦，口感好好，調味更加好！食完走嘅時候先見到呢度都有賣香辣魚皮，下次再嚟一定要試吓！
Post
