Ging Sun Ho King of Bun (YOHO MALL II)

之前喺深水埗食過兩次生煎包，覺得好好食，最近去元朗形點2食過兩次，環境都真係好唔夠冷氣，可能係因為商場中央冷氣關係，就算店內有風機都真係好唔夠通爽，會令人食完就想走，職員完全無表情、無互動、無反應、無招呼⋯好食都令我對依間店卻步⋯

先講講食物，今次照舊要咗生煎包、小籠包、同埋柚子蜜梳打，而新嘗試係金湯麻辣酸菜魚

堅信號生煎包（兩個）

$23

輕輕咬開一個小窿，熱湯嘅溫度隨之湧出嚟，好多湯喺裡面，肉丸都滿滿湯汁，一啲都唔鞋口又唔會梅，皮面軟身，皮底夠脆，真係好好！

灌湯小籠包

$36

同生煎包一樣，滿滿湯汁喺小籠包裡面，皮唔容易穿，但又唔會覺得好厚皮，有時有啲店舖做得皮太薄，反而食唔到皮嘅質感，依個堅信號做得幾好

金湯麻辣酸菜魚

$80

一開始食無乜特別，唔覺麻亦唔覺辣，食到一半左右先覺得麻辣，但只會食一次就夠，難度要成碗酸菜魚要撈勻晒先有溫度、麻同辣？唔係一齊煮的嗎？


其實真係希望老細知道，你啲嘢好食，但環境同職員唔改善，一手一腳嘅生意好快玩完，值得嗎？