聯發茶餐廳

Open Now

Now Closed

今日去咗九龍城探親戚，經過一間茶餐廳勁多人排隊，啱啱見人少少，所以就排埋一份，想試吓佢有咩好食🤣等咗一陣就有位，佢哋嘅速度都幾快。🍳炭火叉燒滑蛋飯份量都好大，叉燒有少少半肥瘦，啲肉好淋唔會柴。啲滑蛋比一般茶餐廳滑蛋深色，好香蛋味炒得都滑。🍞西多士估唔到都幾大份，係即叫即整，熱辣辣咁樣上枱。淋埋糖漿加牛油，中間仲有花生醬，嗰邊好脆，好邪惡。🥛熱杏霜個味道係懷舊茶餐廳嘅味道，我自己就鍾意飲熱杏霜，因為檸茶嗰啲有啲普通。