福岡漢堡扒 (鴻威大廈) (Closed)

三十幾度嘅天氣，炎炎夏日，想搵間餐廳可以坐低慢慢食吓嘢傾吓計，順便涼下冷氣，嚟到旺角，就見到呢間叫福岡漢堡扒嘅餐廳，佢嘅漢堡扒要自己用個熱石去整熟佢㗎，見佢咁特別就入去試吓啦😋佢有幾款兩人套餐可以選擇，咁我哋今次就揀咗Ver.2，套餐會包埋沙律前菜同埋湯，相當豐富🤩🧀芝士蛋蒜和牛漢堡扒 滿滿嘅芝士、蛋同埋蒜片，未食都聞到成個和牛漢堡扒都好香，芝士嘅濃郁同埋雞蛋嘅香味配上和牛嘅油脂，簡直係完美嘅配合，食嘅時候配搭埋幾塊蒜片，令到成個漢堡扒嘅味道昇華唔少，芝士嘅味道好濃郁，如果係芝士愛好者嘅朋友，就記得一定要揀呢一個🌶️墨西哥辣椒和牛漢堡 只要係鍾意食辣嘅朋友，就一定要試呢款！因為成塊和牛漢堡扒上邊都係滿滿嘅墨西哥辣椒，餐廳完全冇吝嗇到佢嘅材料，而且佢呢一隻辣椒，辣得非常之恰到好處，辣得來又唔會話太勁咁會刺激到個喉嚨同埋條脷，而且可以隨自己嘅口味，去選擇落多啲或者少啲嘅辣椒，辣得過癮嘅辣椒，加上充滿油脂嘅和牛，配上喺鐵板上面嘅蛋，一啖放落口，簡直係人間嘅美食🐂和牛乒乒乓拌飯 拌飯會有和牛粒、荷包蛋同埋生菜咁樣撈埋一齊成為一個拌飯，就咁食都已經覺得好好食，配埋和牛漢堡一齊食嘅話，伴飯嘅菜同蛋仲