素聚鍋素食餐廳 (Closed)

一坐低，餐廳侍應就換走枱上嘅水壺，話畀過壺熱嘅我哋，好細心。餐廳係茶餐廳格局，啲菜式有小炒有煲，叫咗素魚香茄子配飯、香樁炒飯。炒飯炒得粒粒分明唔油膩，而且好香。素魚香茄子好好食，餸飯一流。估唔到仲有湯同糖水送，湯都幾足料，有啲紅蘿蔔湯料食下，糖水有涼粉，nice。一湯一主菜送糖水，大約$75-85，超大份量。我哋叫咗少飯，估唔到都咁大碟，如果無叫少飯的話，打包的話夠食多餐喇，好抵食。幾鍾意呢間街坊小餐廳。