店員介紹既梅酒，清甜易入口。日本巨峰梳打清新，唔會過甜，正！
剌身拼盤
加拿大海旦，份量十足又大塊，食落好鮮甜，一啲異味都冇，推介！而活帆立貝質感好有texture ，食落一絲絲咁。中拖羅厚切好滋味，又冇筋，有入口溶化嘅感覺！拼盤仲有赤海蝦，三文魚，三文魚籽同油甘魚，價錢非常公道。
浜燒盛拼盤
甲羅燒由滿滿既蟹膏，蟹籽，蟹肉填滿，味道十分濃郁！仲有燒帆立貝同燒聖子皇，兩個既味道都好鮮甜，燒既時間控制得好好，肉質好鮮嫩！而燒蟹腳就灑上左少量鹽調味，蟹肉鮮味好出！
燒雞皮係好邪惡既燒物，但食落一啲都唔覺油膩，反而脆得黎好香口，送酒一流！而燒鰻魚好厚身，食落軟綿綿，上菜時仲keep住暖，所以特別好食！
