車麵館 (Closed)

見佢係黃店，又入嚟試下。入到去舖頭好簡陋，簡陋都好有特色😂 好似去咗另一個世界咁，但都想試下，因為好少有炸燒賣食（呢排都中咗燒賣毒）呢個係腸粉生菜炸燒賣加齋。我真係未試過車仔麵個麵有得揀腸粉，又有好多汁揀，真心好正，足料又好食，個炸燒賣好得🥰🥰🥰另外，又係好少有「銀針粉」，個份量可能對男士嚟講就細咗少少。同埋我朋友食素，佢算係好多料揀，有冬菇、菜、蘿蔔，尤其係個素腐皮卷，掂呀🥳🥳🥳都算抵食～會再幫襯！