雞少雞飯

Open Now

Now Closed

小朋友喺附近上興趣班，所以間中都會喺附近食飯，呢度係我哋會encore的食店之一。今次叫咗個二人餐，兩大一細食都好夠👍🏼，有半隻海南雞、豬頸肉、蝦湯浸時蔬、黃油飯 x 2、椰子雞湯 x 2同熱飲兩杯。半隻海南雞份量都唔少，豬頸肉都係，點埋醬汁食好惹味，小朋友都食好多。椰子雞湯應該係冇味精，好好飲，蝦湯時蔬都真係有香濃蝦味。之前我哋有食過喇沙，都好好食，足料之餘湯底都好正宗。就咁飯/麵餐係$6x - $7x冇加一，今次二人餐$198冇加一，講真都算係幾抵食。星期日晚上時間唔算太多人，真係要多啲支持本地食肆。