火五越式牛肉粉專門店 (清風街) (Closed)

熊貓今日需要過對面海做嘢，做完嘢去到天后附近，感到非常肚餓。咁啱經過見到呢間越南野，記得曾經係佢嘅太子分店食過，而且係幾好味。所以熊貓決定今日午餐就試吓佢嘅天后分店。原來佢嘅天后店係新分店，座位坐得幾舒服，而且都乾淨企理，值得一讚。熊貓因為非常肚餓，所以就叫咗最大碗嘅粵火車頭。配料非常多，足料又好食，性價比非常高。有幾推介佢嘅牛丸同埋牛腩，簡直正。除咗食大大碗嘅面之外，我同熊貓同事分別叫了一個雞翼同埋鳳爪。兩款小食都好值得推介，好食又抵食。總括而言，呢間越南菜沒有令我失望，如果喜歡食越南菜的各位，不妨來一試。