平昌 Premium (Closed)

我呢D食肉獸，食韓燒就梗係要搵間可以任食架啦，不過要搵間可以任食得黎又有質素既，都唔係一件容易既事。經朋友介紹，話呢間平昌PREMIUM幾有水準，所以搵日收工就約埋朋友仔一齊去試試啦。呢到有多款肉類比你揀，包括牛肋骨，牛仔骨，牛小排，五花腩，雞翼，雞肉呀等等，真係花多眼亂唔知試咩好。加少少錢仲可以有埋爐邊蛋TIM。到最後當然所有野都叫小小試下啦，總結呢到既肉類質素幾高，唔會好重雪味或者好梅，而且全部都腌得好入味，燒完就更加惹味，真係唔錯。特別推介五花腩，包埋生菜食，果D油脂既香真係令人好回味。某部份既海鮮，例如: 蠔，扇貝仔，中蝦都係任叫。大約$200一位仲有海鮮都真係幾抵食 。另外我地加錢叫左鮑魚同大蝦，鮑魚好新鮮又夠大隻又彈牙，另外大蝦一燒，成個頭啲膏流晒出泥，雖然好肥，不過唔理喇，食左先講啦。我地閒日夜晚上黎都好多人，大家如果多人去最好就BOOK定啦。另外任食餐廳一般都冇咩服務可言，但呢到出奇地好服務，店員行詔會幫你燒下，見熟又會夾埋比你，真係好有韓國FEEL。另外價錢已經包左自助飲品，唔似得出面局你買野飲，真係勁抵，推薦大家去試下。