B.Duck & Buffy 德記茶樓 (Closed)

同朋友去咗旺角b Duck&buffy德記茶樓， 入到餐廳見到好多唔同款式嘅鴨仔裝飾！ 小朋友見到非常開心！ 大人嘅童真亦都滲透出嚟！ 每張餐枱 放左唔同主題既鴨仔！幾得意。叫咗一個招牌車仔麵套餐， 招牌車仔麵再加蝦餃，鹹水角，流沙包，仲有兩杯嘢飲即係138蚊！車仔麵份量非常豐富，份量亦好大份！ 蘿蔔炆得好淋！ 雞翼尖入味，魷魚鬚爽脆！油麵底正呀！韭菜豬紅非常入味，豬紅味道完全索曬啲汁！超香。鳳爪排骨飯 賣相好似日本嘅丼飯！ 賣相非常精緻， 飯粒晶瑩剔透，粒粒甘香！ 排骨入味啖啖肉！奶黃流沙包， 一咬開內面嘅奶黃流出嚟！ 夠曬熱辣辣， 味道清香！ 陣陣嘅奶黃香好味道。蝦餃不得不提，皮薄餡靚，內層嘅蝦非常大隻！亦都非常爽口，新鮮彈牙。整體環境食物，非常好燥既選擇！