自家燒吧 (Closed)

今晚肥妹仔同屋企人去咗觀塘樓上燒烤吧度食晚餐，好多人以為燒烤都係戶外進行，但係原來而家已經好輕係室內燒嘢食。一入到去肥妹仔見到有兩個冷藏櫃，入面分別有一啲冷盤例如好似沙律餐前小食 ，水果等等，而另一個冷櫃就裝住好多燒物例如有午餐肉，雞翼，台灣腸，牛肋條，牛柳粒，豬肋骨等等，真係你想食乜佢都可以提供。跟住幫你拎完啲食物返迴座位時，店員就會幫你開嗰個自轉嘅燒烤爐，完全唔需要自己動手去燒嘢食，非常適合好似肥妹仔咁懶嘅人食。係等候食物嘅期間，佢出面仲有一啲熱盤例如炸雞翼，焗芝士青口等等，真係唔驚餓住等呀。 總括嚟講呢一間食物水準不錯，可以揀鍾意嘅嘢食，食物嘅種類都幾多，肥妹仔都會推介朋友嚟試下架。