Video
Read full review
2022-01-03
890 views
Chicago classic combination $198我哋嗌咗呢個小食拼盤前菜：裏面有洋蔥圈、炸雞翼、芝士焗薯。最鍾意就係芝士焗薯，因為真係好濃芝士味，而且佢嘅醬汁都好好食😋USDA Choice Ribeye $408因為餐廳一次過上菜俾我哋，所以呢塊牛扒好快凍咗，本身諗住叫佢返熱，但又怕熟咗好靭，所以都係就咁算。牛扒其實好香，但凍咗就失色不少，上面嗰舊牛油塗抹成件牛扒同粟米之後，食落真係加分唔少！切開牛扒仍然Juicy，亦都唔會太乾或者太硬，我覺得唔錯。Fresh romaine Caesar salad $172今次呢件雞胸就有啲柴，食落口亦都好乾，要飲番幾杯水先😂。不過凱撒醬汁唔錯，食落好開胃，加埋佢灑上嘅芝士粉，可以再encore ！唯一嘅小缺點就係佢真係好大份，我哋兩個人差啲食唔晒😂😂希望佢會提供細份量嘅sizeBourbon Lobster Shrimp and Ham Penne $228呢個我覺得真係呢度其中之一款招牌菜，裏面有齊唔同嘅海鮮：蝦、龍蝦、八爪魚……我朋友第一時間食咗佢塊蒜蓉包🥖，佢嘅長通粉每一條都沾上左龍蝦汁，好滿足！而且意外地係唔會飽飽滯滯M
Chicago classic combination $198
我哋嗌咗呢個小食拼盤前菜：裏面有洋蔥圈、炸雞翼、芝士焗薯。最鍾意就係芝士焗薯，因為真係好濃芝士味，而且佢嘅醬汁都好好食😋
USDA Choice Ribeye $408
因為餐廳一次過上菜俾我哋，所以呢塊牛扒好快凍咗，本身諗住叫佢返熱，但又怕熟咗好靭，所以都係就咁算。牛扒其實好香，但凍咗就失色不少，上面嗰舊牛油塗抹成件牛扒同粟米之後，食落真係加分唔少！切開牛扒仍然Juicy，亦都唔會太乾或者太硬，我覺得唔錯。
Fresh romaine Caesar salad $172
今次呢件雞胸就有啲柴，食落口亦都好乾，要飲番幾杯水先😂。不過凱撒醬汁唔錯，食落好開胃，加埋佢灑上嘅芝士粉，可以再encore ！唯一嘅小缺點就係佢真係好大份，我哋兩個人差啲食唔晒😂😂希望佢會提供細份量嘅size
Bourbon Lobster Shrimp and Ham Penne $228
呢個我覺得真係呢度其中之一款招牌菜，裏面有齊唔同嘅海鮮：蝦、龍蝦、八爪魚……我朋友第一時間食咗佢塊蒜蓉包🥖，佢嘅長通粉每一條都沾上左龍蝦汁，好滿足！而且意外地係唔會飽飽滯滯
Mocha Brownie Milkshake
我朋友嘅呢一杯就唔錯啦！ Brownie 好吸引，一嚟就已經食咗先，飲落去就相比起我個杯更加有層次，朱古力味唔會太甜，混和奶昔就啱啱好，早知就跟佢啦😂
Strawberry, Vanilla or chocolate milkshake
我覺得呢杯野麻麻哋，因為呢杯野好甜，冇乜層次，飲落去成杯野都係雲呢拿再溝奶，好快就覺得膩
但係環境方面就真係要負皮，我都明白星期日可能會比較多人，我哋兩個人用一張細枱真係無可厚非，但係張枱真係太細，佢哋又一次過上咗六碟菜俾我哋，完全唔夠位擺，而且佢哋係用白紙而唔係枱布嚟cover餐桌，我覺得有啲廉價⋯希望下次嚟嘅時候佢哋會有改善！
—————為食分界線——————
📍 Dan Ryan's Chicago Grill (又一城)
九龍塘達之路80號又一城LG2層28號舖
推介指數 🤰🤰🤰(3/5)
好味指數 🤰🤰🤰🤰(4/5)
抵食指數 🤰🤰🤰(3/5)
環境推介 🤰(1/5)
人均消費： $300
Post
