三田製麵所 (K11購物藝術館)

Open Now

Now Closed

尋晚女朋友話想食沾麵我就即刻帶佢嚟呢間餐廳。夜晚八點唔使等位，即刻有位坐。餐廳光猛闊落，店員做野快手，有禮貌，會自動自覺加水。我哋叫咗兩碗普通濃香豚骨魚介沾麵($78)我要咗大份量(280g)，女朋友要咗中份量(210g)。麵條本身冇味道。叉燒薄而不肥，值得一讚係隻蛋。蛋黃有鹹香 。成碗麵最好食係隻蛋。湯底好濃，有好重魚介味。一定要盡快食 ，因為啲湯凍咗就會好腥。湯入面仲有一粒五花肉，不過不失。沾麵係偏重口味，我都係鍾意食拉麵嘅湯。如果要我好似之前咁排一個鐘先有得食我一定會呻笨。