漁港薈 (Closed)

國慶中秋4日假，悶悶哋，一係玩staycation，一係都係捐窿捐罅搵嘢食，於是乎來到銅記SOGO隔離呢間『漁港薈』，地址係銅鑼灣軒尼詩道525號澳門逸園中心3樓，裝修比一般中式酒樓靚啲，更顯尊貴地位。呢度有蒸鍋有小菜吃，由於新開張有特價，嗌咗個原價488蚊，現價328蚊嘅A餐。待應們都很專業很熱情，招呼週到，視乎需要適時幫我哋蒸煮海鮮。首先上不枱嘅係『絕無味精燉湯』，有瘦肉，雞腳同埋蟲草花，材料多，個湯好滋潤清甜。跟住就來個『紅燒妙粉乳鴿』，乳鴿size適中，粉嫩粉嫩嘅，食落補充咗D軟骨素，即刻強壯咗唔少，繼續另一道餸，就係我喜歡的蟹～『黄金川辣炒蟹』，我食咗最大隻蟹腳，啖啖肉好好食，而且做呢餸之前，師傅已做咗功夫，啲腳已經敲開，食嗰陣就好方便，完全唔需要蟹鉗鉸剪，扺讚。‌而成個蒸鍋材料就有韓國大鮑魚，蘇格蘭蟶子王，多寶魚一份，生猛海蝦，一大份鮮甜貝貝殼，超满足，好飽吖，另外附送的安格斯手切牛也唔錯。