No Money So Lonely

Open Now

Now Closed

有機會揀多次一定唔會食呢間！叫左3樣野食+1杯野飲1.軟殼蟹pizza個底係黃咖喱其實無咩問題，但隻軟殼蟹面頭d炸粉好淋，淋到好似擺左好耐咁。2.墨汁意粉伴帶子諗住呢個菜應該都安全無死，隻帶子黎到賣相都好地地，點知一食，哇！真係鹹到盲既都開眼。3. 薯條薯條有三個味，我地揀左話梅粉，黎到d薯條都脆既，但個話梅粉滲得都幾唔均勻，同埋好鹹。4. 奶昔淡到水咁完全無味，飲完一啖都要諗下自己係咪中左肺炎搞到無左味覺。埋單440，真心唔覺得呢餐值呢個價錢，貴其實唔緊要，但野食可以比返d水準，唔會有下次，食完甚至有種俾錢買難受既感覺。