HK Food 1980

呢間旺角新開茶餐廳行懷舊路線，舖頭細細但係幾多「影相位」，裝修各方面睇得出有用心。（呢d係新開張嘅花牌，依家已經冇曬，圖片只供參考）

但係但係！！點解d撈麵可以
咁 ！難 ！食！ 完全係酸忌廉撈丁！

史上最難食芝士撈丁肯定佢攞冠軍🏆

個芝士汁真係出曬事，得酸忌廉味，完全唔芝士！

$48

首先！個面份量應該係完整一個出前一丁。
成個麵底係乜汁都冇，芝士醬極度少！

芝士汁嘅責任就係要可以好足量好均勻咁撈勻成個麵，啖啖都有芝士香濃味先啱。

佢反其道而行，出前一丁先係主角，芝士醬得一🥄勺咁多，啱啱好可以覆蓋大約頭3啖嘅麵。

夾開塊豬扒後，真實芝士汁嘅量！然後冇辦法只能問佢可否比多d 汁，店家都好好咁比左。

$48

少唔緊要，我忍唔住出聲問佢拎一碗芝士汁 ，佢都好好態度咁比左一碗「芝士汁」我。服務態度ok！（可能因為嗰陣新開張）

根本就係sour cream 撈忌廉定係芝士粉定係奶。完全唔知到底呢兜汁係咩。

問題嚟啦。一路食我一路懷疑人生，到底我食緊d 咩啊？

呢個根本就係sour cream 撈忌廉定係芝士粉定係奶。完全唔知到底呢兜汁係咩。

就咁飲左兩啖我都係飲到sour cream味加非常隱約嘅芝士味。芝士呢？！

豬扒唔大，但都幾厚，不過d 肉好柴好乾⋯


🙏🏻我真係覺得，想主打賣芝士撈麵就真係比d 誠意，係咪真材實料大家一食就知道。d 汁好似水咁稀，又唔芝士又唔creamy，仲要打著懷舊、地道香港風味嘅旗號，真係唔應該係咁嘅態度。