白石燒烤

Open Now

Now Closed

趁住仲未完全轉夏天，梗係要捉緊春天的尾巴，抓緊時間BBQ。今晚實在太好了，可以約齊屋企人，一齊去白石燒烤場燒嘢食，好耐都冇試過同屋企人燒嘢食啦。我地由馬鞍山新港城坐的士去，好快就到啦。入到去，就去服務台嗰度攞枱，跟住再去食物站到拎自己訂咗嘅食物，我哋今次叫咗個五人餐，食物非常豐富，海鮮肉類丸類乜到齊。食物來講，所有野都醃得非常入味，最鍾意食咖喱雞扒、蜜汁叉燒、同埋古法吊燒雞，咖喱雞扒咖喱味非常突出，而且雞扒軟腍多汁，燒到脆皮就岩岩好啦。蜜汁叉燒肉質亦係非常軟腍，味道惹味，而且叉燒係半肥瘦，真係好吸引，仲有古法吊燒雞，燒咗佢大約兩個幾鐘，就拎俾工作人員幫我地斬雞，皮脆肉嫩，好正！