元朗鬼巴士 (Closed)

今晚放工揸車返屋企，去到半路好肚餓，腦海中淨現出雞扒呢樣野，唔使諗咁多啦，即時俾油衝入路得圍啦，雞扒就買左塊食緊時，行行下見到鬼巴士，好老實講，旺角肥姐就必食，咁今次見到巴士就撞下鬼啦，買左個大雜錦返屋企加料，返到屋企準備開飯，好老實剛剛食完塊雞扒，食後多晚餐丫，咁好彩屋企人又煮得多喎今晚，見我加料當然就話我浪費啦，但係想食就買架啦，成餐飯頭半場就幾個人話我浪費，後半場就話我買得小，天呀，你地想点先。食物算好食，但同肥姐就係差少少，但種類就多d，一個大雜咩都齊，咩都有，另外食物夠凍，凍食唔夠凍，真係會死人架，我個人就俾80分啦。