蟹仙海鮮蒸氣鍋 (Closed)

今晚平安夜約咗個死黨一齊慶祝食晚餐，我哋冇揀選西餐，走咗去食蒸氣海鮮鍋，呢間菜館食材非常高質素，因為老闆係香港嘅海鮮入口商,經營青蟹批發30年經驗,天天直接空運到店鋪，會揀最靚青蟹到餐廳,野生越南頂角膏蟹及黃奄蟹隻隻爆膏。我哋叫咗每人一 客海鮮套餐，員工全程照顧周到，當他將海鮮放在蒸氣鍋上時，眼見食材還在跳動，不用多久，金黃閃爍蟹膏盡現眼前，我們都急不及待地放進嘴裏，蟹肉鮮甜至極，甘香蟹膏滿載口腔，非常滿足。生猛猛龍蝦，同樣滋味無窮，新鮮食材冇得輸，圓碌碌大元貝，肉質晶瑩通透汁液豐富，軟綿蜜甜。下鍋前還在跳動嘅象拔蚌仔，只需幾分鐘就給我們拿著，同樣地極之鮮甜。還有款深海龍躉片，魚皮厚度十足，煙煙靭靭，魚肉幼嫩鮮甜。鮑魚跟海蝦都不遑多讓，侍應服務態度，非常專業 每一款海鮮都計算蒸煮時間準確，因此令食物相得益彰。餐後菜館還貼心地送上甜品，椰汁官燕燉雪燕，滋陰潤肺養顏。今年嘅平安夜令我倆非常難忘，跟好朋友一齊又吃到一個平靚正嘅晚飯，非常開心。