草民 (Closed)

同朋友去Cafe傾計食吓飯，就揀咗呢間位於尖沙咀嘅「草民」，話時話呢間店都幾黃，要多多支持下。嘢食方面都係比較清新嘅配搭，同埋仲有健康為主。菠菜忌廉雞柳蟲草花扁意大利麵會見到啲顏色綠色，小清新，而且忌廉味道都好香，棉質質感軟硬剛剛好加上蟲草花配搭不錯。香草盲鰭魚柳扁意大利麵香草味好清新，魚柳都比想像中更加滑身！慢煮BBQ美國豬肋骨好大件，而且肉嘅比例都算好多，所以成日都會好飽，個醬汁調味適中，同豬肋骨好夾。甜品：日本柚子拿破崙賣相靚靚，除咗有靚嘅買相之外原來味道都唔錯喎，甜甜地而且口感香脆，味道配搭得好好食。同啲朋友揀咗唔同款式嘅飲品，雖然已經唔係好記得飲品嘅名稱，但係款式眾多而且味道都有一致嘅好評，最重要就係飲品上面寫住嘅字句/拉花嘅樣子都好值得留意！