百味閣餐廳

Open Now

Now Closed

由於屋企人好鍾意嚟食，幾十年水準依然保持住，而且服務態度好好，侍應會推介菜式同詢問質素如何，睇得出大廚好有心煮，值得好評！晚餐會有餐湯同蒜蓉包，個包好脆而且大大舊，未食完餐包就好快到主食，叫左牛脷波菜麵配紅酒汁，牛脷非常淋身，夾埋紅酒汁一流，好似有經過慢煮咁，好好食！另外，仲叫鵝肝牛排，鵝肝有少少蘇味都可以接受，仲有陣油香味，應該係用牛肉脂肪油煮香佢，而牛扒燒香味好重，每塊都好有肉汁，每食完一舊都仲回味緊😝😝如果喜歡甜品嘅朋友嚟呢度一定要叫招牌Apple crumble ，每日都係由師傅新鮮人手製造，一定唔會令你失望！