德家日式燒肉店 (Closed)

德家燒肉店都已經開咗好多年，依然屹立不倒同埋有好多客人，當然有佢嘅原因。我就揀咗佢哋最高級嘅燒肉套餐，一開始已經奉上5種高質素的牛，呢個安格斯拼盤裏面有一次性嘅安格斯牛頸脊同牛小排，脂肪分布平均。因為太正，所以只有一次，好好珍惜。仲有其他可以任食嘅牛脊肉，牛肋肉，一口牛同厚切牛舌之類，質素都唔錯，牛香十足。可以任食。另外有一盤刺身，裏面有好肥美嘅三文魚、榮螺肉、仲有好多隻細細隻甜蝦特別鮮甜、彈滑帶子同爽口赤貝。另外都有一次性嘅海鮮，我最鍾意甲羅燒，鹹香十足，而佢個鮑魚就經過調味，我就會再燒一燒先食，甜甜地又彈牙，仲有大大隻扇貝去到鮮甜，連蜆都非常大隻，亦都有海蝦，一次過滿足幾個願望。除此之外，好多肉都可以任食，仲有其他煮物等，視乎需要。出面嘅自取區亦相當豐富，包括各式各樣的配料，仲可以拎個錫紙兜加啲牛骨湯打邊爐，味道香濃。而飲品方面除咗一般市面上有嘅飲品外，仲有用咗還原水做嘅冷泡茶，味道比較清新，適合配合食用比較油膩嘅燒肉。