Video
Read full review
2012-05-25
58 views
呢世人第一次去新蒲崗, 見呢間飯店在openrice排第一位, 即管去試下. 之前打電話去問下晝開唔開, 同埋附近有無得泊車, 接電話個阿姐好熱心地回答, 第一個印象非常好. 去到一推開門就知呢度係做街坊生意, 裝修好舊式, 迫迫地, 要搭檯, 個個侍應都同D客人好熟, 會傾下閒偈, 感覺都幾warm. 好想食金錢雞, 但係無預訂無得食, 叫左另一個招牌菜, 花彫話梅豬手, 是冷盤來的, 豬手好爽口彈牙, 又乾淨, 最怕有好多豬毛, 話梅味好甜, 無咩花彫味, $80碟, 唔係好多件, 我覺得有小小貴. 另外叫左三個蒸的點心, 相反地點心就好低食, 平均$20一籠, 大大件的, 即叫即蒸. 山竹牛肉球一籠有三粒, 大粒過乒乓波, 好有牛味. 豬潤燒賣呢D懷舊點心而家好少茶樓有得食, 雖然豬潤唔算好滑, 但係下面的燒賣吸收晒豬潤的香味, 好正. 見到隔離果籠蝦餃好似好好味, 都忍唔住叫一籠試下, D蝦幾鮮, 皮又薄, 有四粒, 好低食. 餐牌仲有好多款炒粉麵飯, $29至三十幾蚊一碟, 好想叫但係已經好飽, 下次要叫多幾個 friend 一齊黎試多幾款先得.
去到一推開門就知呢度係做街坊生意, 裝修好舊式, 迫迫地, 要搭檯, 個個侍應都同D客人好熟, 會傾下閒偈, 感覺都幾warm.
好想食金錢雞, 但係無預訂無得食, 叫左另一個招牌菜, 花彫話梅豬手, 是冷盤來的, 豬手好爽口彈牙, 又乾淨, 最怕有好多豬毛, 話梅味好甜, 無咩花彫味, $80碟, 唔係好多件, 我覺得有小小貴.
另外叫左三個蒸的點心, 相反地點心就好低食, 平均$20一籠, 大大件的, 即叫即蒸. 山竹牛肉球一籠有三粒, 大粒過乒乓波, 好有牛味. 豬潤燒賣呢D懷舊點心而家好少茶樓有得食, 雖然豬潤唔算好滑, 但係下面的燒賣吸收晒豬潤的香味, 好正. 見到隔離果籠蝦餃好似好好味, 都忍唔住叫一籠試下, D蝦幾鮮, 皮又薄, 有四粒, 好低食. 餐牌仲有好多款炒粉麵飯, $29至三十幾蚊一碟, 好想叫但係已經好飽, 下次要叫多幾個 friend 一齊黎試多幾款先得.
Post
