City Art Steak．Grill (Closed)

補回一個月前的晚飯食評。食物︰超好，尤其西式方面，個磨菇湯真係一定要試，超超超好飲。反而日式就普通咗啲，不過刺身都好新鮮。生蠔都幾Okay, 而且都有唔少選擇。長腳蟹我都係第一次食，原來都幾好味咖喎！甜品方面對於不好甜嘅我就覺得可以接受。環境︰都算寧靜；只係我地一去到時，有位商人響度勁大聲講電話而嘈咗少少之外囉，不過我地坐低半個鐘左右佢就已經走咗。GooD........服務︰非常之好。不論男女服務員，個個都非常有禮。尤其係果位高高嘅男侍應 (((全場最高果位)))。佢真係好犀利，我地叫咗啲串燒，佢見我地啲串燒咁耐都未上 (((其實我地都差啲忘記咗咖喇)))，就好醒目咁過嚟問我地啲串燒係咪仲未到，我地話係之後，佢就即刻幫我地去追。另外，佢每上一道菜時，都會再講多次呢樣係乜嘢，真係好專業。當然除咗呢兩件事之外，其他方面都睇到果位高高男侍應真係非常有認真同埋非常有心 (((好耐都冇遇過咁好嘅服務員喇)))。反而呢，著西裝果位男職員 (((應該係經理啦))) 佢就真係唔得喇，黑口黑面之餘，上菜時 (((共三次)))，佢就好大力咁將碟餸放響檯，第一次真係俾佢嚇親呀！