鮨美澄 (Closed)

最近在元朗非常hit, 啱啱開業三個月嘅壽司店，訂咗成個月，期待足一個月，果然冇令我白白期待，因為真係好好好好好味。價錢對比尖沙咀銅鑼灣等壽司店，性價比10分高，晚餐都係1380同1680，今次試咗1380 omakase，睇到人哋隔離位食1680嘅第一道菜已經非常之後悔，因為1680多咗個三道菜真係值得食。但係1380都係非常之有誠意，而且超級飽。壽司材料非常之新鮮，我好欣賞當晚所有食材，而當中比較特別我又想介紹嘅就係三層嘅拖羅壽司，師傅大玩視覺藝術，灑上一片片雪白嘅鹽花（圖片沒有，大家去嘅時候就會睇到). 另外仲有用魷魚同埋紫蘇葉花包住嘅海膽壽司，特別好味。以為食完一既海膽壽司就完結，仲有三層厚嘅海膽壽司，海膽多度大嚿到要重用手盛先可以食到。師傅亦非常健談又親切，講解咗好多食物嘅典故，擺放食物嘅碗碟仲會隨着季節變化，大家不防留意下。