御泰坊-泰越菜 (Closed)

一個舊朋友，亦都係我哋公司強積金嘅負責人，見好耐冇見就約一齊食飯，順便佢話要update返我哋知道而家政府推出嘅扣稅醫保，扣稅年金，同扣稅自願性供款嘅資訊，我同同事一齊去，我哋就去咗APM御泰坊，因為時間尚早，有卡位坐啊！非常舒適，我哋睇咗大Menu同午餐Menu，三個女仔唔食得好多嘢，於是我哋決定叫兩個午餐，午餐揀酸甜魚柳同海南雞飯，午餐嘅前菜我哋叫咗柚子沙律同米通，另外再叫咗啫啫通菜同炭燒豬頸肉，每碟餸都好好味，保持一貫水準，一路講一路食，雞啄唔斷，好愉快嘅一餐午餐啊。埋單係$270 ，食咁多嘢，唔算貴吖！