夢工房西日料理 (Closed)

今日約咗2個好耐冇見嘅老死食飯，佢地話想食放題又唔想太貴，於是就去咗呢間食，因為見佢前排先新裝修完，睇睇有冇驚喜首先要講講放題必食嘅魚生，水準一般般吧，普通價錢冇吞拿魚同埋油甘魚，有dd失望，但見佢有三文魚腩就試試，不過可惜魚腩冇乜魚腩味，水準一般般，其他就都係普普通通，我都係食甜蝦同埋墨魚片多，呢兩樣水準及格。我地都有叫羊架，雞排，牛排，個人唔係太喜歡呢度嘅羊架，肉很鬆散，比較油，骨架都好細件，不過咁嘅價錢我都唔期望可以同酒店自助餐相比，有得食就好了，不過我最中意嘅牛舌呢度竟然冇，有dd失望呢度特別嘅地方係有個鍋仔俾你打邊爐，但感覺佢個setting唔太適合打邊爐，首先個鍋太細，加咗拉麵、烏冬入去之後好快就索曬d湯，煮兩煮即刻乾水濃底，諗住加湯，點知原黎係加清水，越煮越淡，，另外火鍋配料太少，感覺冇乜好揀，另外除咗壽司醬油同埋芥末，乜其他醬料可以揀，最重要嘅係肥牛質素認真麻麻。雖然話呢間係放題店唔係火鍋店，但如果要做埋火鍋，感覺就眼高手低。最後埋單一個人都要207元，因為係星期五加上繁忙時段再加一所以收貴d，但係個人感覺如果身上有200元，可以再食d好少少嘅野，唔使虧待自己。