聰少甜品 (Closed)

第一次去聰少食甜品，個Menu同聰嫂差唔多，多咗一啲燉蛋白嘅甜品之類，今次三個朋友叫左合桃露，杏仁茶燉蛋白同薑汁燉蛋白，合桃露味道唔錯幾香濃，但碗嘅size我覺得好似餵狗用嘅碗仔仲要細，另外兩碗燉蛋白個size就好似去卡拉OK嘅nuts 碗咁細，如果唔係有個木嘅托盤襯托下，應該細的好難睇下。杏仁茶燉蛋白係茶同蛋白各一半，杏仁味唔特別濃，清淡帶香，蛋白幾滑，但全部都過份細碗。環境空氣唔流通，似關掉冷氣想人坐唔耐，熱到你走，快0的有下檯客。去完呢間，好掛住佳住甜品，又大碗又坐得舒服～