花楽 (翩滙坊) (Closed)

呢日同屋企人去左將軍澳呢間日本餐廳食dinner，餐廳位於海濱旁，環境好好。我地點左壽司十貫盛盒，呢個壽司set真係好吸引啊，佢既擺盤好精緻，打卡一流。十款壽司分別係大拖羅、金目鯛、島池魚、煙燻笛鯛、三文魚、直送飛機魚、日本海膽、日本牡丹蝦、三文魚籽、日本帆立貝同埋迷你蟹飯，超吸豐富。啲刺身好新鮮，最鍾意大拖羅同埋日本海膽！另外仲點左輕井沢芝士軟殼蟹水菜卷，呢個卷物層次豐富，壽司飯包住軟滑既芝士同埋香脆既軟殼蟹，上面鋪咗creamy既牛油果，大啖食落去，超滿足！食完呢啲野都未夠喉，見到呢度啲壽司做緊半價，就點左件深海池魚腩壽司，好抵食。