Video
Read full review
2021-10-02
114 views
呢排都幾鍾意食中菜，前兩日同左朋友去左Hysan Place呢間精緻嘅中菜餐廳，食得幾開心。🦪冰鎮南非六頭鮑魚（一隻）$88冰鎮鮑魚一上檯都零舍有氣派，有乾冰會出煙。鮑魚醃得好入味，亦都幾大隻彈牙，好味。🐟招牌酸菜滑魚片 $298一路食會一路座熱，所以就算慢慢食都唔洗驚會凍。啲魚好滑，份量亦都好多。仲有啲芽菜同埋寬粉之類，索晒酸菜魚湯底嘅味道，好開胃好惹味。🍚竹筒藜麥飯 $18加入藜麥嘅飯感覺特別健康。因為啲飯用竹筒裝住，一打開個蓋好香。🀄️詐糊 $68係望落好似麻將嘅椰汁糕，底下仲有兩張「鈔票」，連嗰兩張「鈔票」都食得，好似食緊錢咁，感覺好過癮。估唔到呢度咁精緻，茶錢都只係$8一位，幾值得再嚟。
🦪冰鎮南非六頭鮑魚（一隻）$88
冰鎮鮑魚一上檯都零舍有氣派，有乾冰會出煙。鮑魚醃得好入味，亦都幾大隻彈牙，好味。
🐟招牌酸菜滑魚片 $298
一路食會一路座熱，所以就算慢慢食都唔洗驚會凍。啲魚好滑，份量亦都好多。仲有啲芽菜同埋寬粉之類，索晒酸菜魚湯底嘅味道，好開胃好惹味。
🍚竹筒藜麥飯 $18
加入藜麥嘅飯感覺特別健康。因為啲飯用竹筒裝住，一打開個蓋好香。
🀄️詐糊 $68
係望落好似麻將嘅椰汁糕，底下仲有兩張「鈔票」，連嗰兩張「鈔票」都食得，好似食緊錢咁，感覺好過癮。
估唔到呢度咁精緻，茶錢都只係$8一位，幾值得再嚟。
Post
