木船 (Closed)

太和站行過黎唔洗十分鐘，招牌大大隻船，幾易認，上船開餐喇。Menu大大張圖，又幾好睇，忍唔住慢慢睇晒成本。有別於傳統泰菜，木船主打新派泰菜，一於睇下可以帶黎幾多新鮮感。青木瓜沙律係泰國常見前菜，青木瓜新鮮爽口，加上青檸同醋ge酸、魚露ge鹹鮮，非常醒胃，但就缺少左係泰國食到ge辣勁，如果再辣d會更正。另外，佢仲加左平時唔會落ge提子，但撈埋黎食唔多夾。椰子雞一上枱熱辣辣、香噴噴，趁熱飲啖椰汁試下先，椰汁香而不膩，椰肉清甜，連骨雞件肥瘦適中，一啖肉配一啖汁咁食都幾正，不過雞件本身應該無醃過，唔夠鹹，有d可惜。好大座菠蘿炒飯，放係枱面高過個人。外面睇落雖然唔似椰子雞出晒煙，但拎開虎蝦同菠蘿之後，見到d飯係剛剛炒起，夠熱。虎蝦燒得幾香，啖啖肉，算實淨，唔霉，點d甜酸醬幾醒神。炒飯雖然唔似大牌檔咁有鑊氣，但都算香，連埋菠蘿炒都尚算粒粒分明，唔會濕晒。食完飯就食埋菠蘿，非常鮮甜多汁。夏日芭東海灘其實係菠蘿椰子沙冰，每一啖都品嚐到酸、甜、香，加上涼透心ge沙冰，咁岩當晚天氣回暖，飲落真係有夏日感覺。朋友飲柚子蜜，無乜特別，偏淡。