The Joomak (Closed)

你去之前都唔知原來呢間野係食素嘅，入到去見到隔離枱係佛教人士真係嚇咗一跳，不過間唔時清下腸胃食下素都係一個好嘅選擇。打開Menu發覺原來都唔係全部係素食嚟嘅，見佢今次出咗一個新嘅冷麵，好似好吸引咁，同埋台台都叫就試吓啦，揀咗韓式炒豬肉加冷麵，上枱一下有仙氣噴出嚟，好夢幻呀！味道都唔錯個豬肉炒得好好食，冷麵汁比想像中冇咁淡，夏天食啱晒啦。另外見到啲芝士料理好似好正，最鍾意食芝士嘅我冇理由唔試吓嘅。呢個芝士麵包配炸物，我哋兩個人食真係太多啦，但係炸物同麵包都非常好食，蔬菜炸到外脆內juicy～麵包鬆軟同埋帶少少甜味，點埋流心芝士食好滿足呀！見到飲品嗰度好特別，有個黑蒜latte，初頭以為係芝麻或者炭造成嘅黑色，黑蒜飲落去唔會好強烈，仲有少少上癮嘅感覺添。粟米茶好清新。