先講一講環境, 呢間火鍋餐廳有落地大玻璃既門口, 裏面環境寬敞, 裝修簇新, 天花既燈飾簡約中帶點華麗既感覺, 另外有幾間VIP 房間。
今晚我地叫左由經理推介既金抱什菌花膠豆乳鍋, 呢個鍋既特色係中間用左腐皮造外層, 整成好似褔袋咁包住花膠同什菌。呢個鍋湯底雖然唔濃, 但勝在什菌口感爽滑, 另外亦帶出菌類既鮮味。
另外經理推介極品雪花手切肥牛同手打鮮牛丸比我地打邊爐, 食落下牛肉味好濃郁, 肉質亦相當嫩滑, 其他朋友都覺得呢間火鍋既牛肉水準相當不俗。
令我地喜出望外既有潮州魚片頭同即炸響鈴, 可能係即炸既關係, 魚片頭炸同炸響鈴爽脆可口。
最後咁多位朋友都覺得呢間火鍋餐廳既火鍋配料都幾新鮮。
今餐人頭消費都300蚊左右, 絕對係物有所值。如果大家想同一班朋友打邊爐相信係唔錯既選擇。
