歡喜燒 (Closed)

之前已經黎過駱駝漆大廈，知道有好多好野食，見到呢間無火自轉串燒放題好似幾得意咁，就上左去試下。放題食品種類款式都好多，主打當然係串燒，雞、牛、豬、羊、牛舌當然係必食，仲有丸類、蔬菜等。食材已事先串好，客人可以隨意選擇，既衛生又方便，另外每檯仲有燒扇貝，青口和茄子送。係等燒串燒既時候，仲可以試下即叫即製的熱食，必食推介係薯條，配酸忌廉醬汁，非常好食。除左串燒外，熟食，糖水，生果，甜品，雪糕，飲品都係任食。呢度既雪糕竟然係香港品牌，外面冇得賣，非常特別。店員亦非常友善，經常提醒我地食物不要烤燶。