鳴虎 (馬頭圍道) (Closed)

今日路經土瓜灣，見呢度個商場入口已好吸引。而門口呢間鳴虎就勁多日式燈籠，好似去左歌舞伎町咁，所以就決定入去試下。坐底佢就上左杯凍既玄米茶先。實在太好啦，都好日式。因香港多數都係比熱茶，而佢會比凍既，一來好日本，二來好貼心，而家咁既天氣，真係好窩心。因為太熱，唔想食飯又唔想食都，就叫左個汁燒黑豚肉眼扒定食。好特別，竟然會有扒類既定食係日式舖。因為定食，佢都有跟個湯，唔係麵豉，而係菇。一黎到已好香菇味，再飲落佢就然有3種菇黎煮，好用心同足料。冰涼既胡麻豆腐，食落好清爽舒服。佢個扒跟菜沙律同薯條。個沙律菜意外地新鮮，又多，好似另外叫左個沙律咁。而薯條都唔係一般既薯條，厚身啲，脆得黎又好咬。個黑豚肉眼都好正，半肥瘦，好好味，而肉汁同醬汁都夾得啱啱好。最後食埋個北海道牛乳配十勝紅豆布甸，好滿足。牛乳布甸夠嫩滑，同十勝紅豆真係絕配。