The Galley by Cafe Proud Wings (Closed)

平時都有行經過大角咀呢間餐廳，唔入去都唔知內裡咁特別，佢以機艙為主題。餐廳一邊係香港機場離境大堂設計，另一邊係機艙設計，好有熟悉感。聽講提早訂位可以有boarding pass😂Dinner Set有Economy Class、Business Class、Premium Business Class、First Class。我們揀左Premium Business。我們今晚選了economy set。首先係薄荷乳酪醬鮮雜果沙律，一啲都唔hea，好新鮮清甜既水果非常開胃。是日餐湯係椰菜花湯，比想像中更濃稠，味唔會過濃太膩，好香。小食係燒香腸拼盤，又香又惹味，切好哂好細心。主菜揀左燒班牙黑毛豬鞍，又係切好上，肉質有驚喜，每片都係粉紅色，煮得剛好嫩滑完全唔鞋口，好食既豬鞍真係好難得，加分！而蒜片辣椒海蜆意粉都好食，少辣幾滋味，又多蜆肉。最後甜品係朱古力蛋糕，小小既一塊剛好為晚餐劃上完美句號。