Video
Read full review
2021-07-02
1250 views
認識呢個地方，全因朋友介紹，佢話串燒水準高，又幾好坐，仲要識人有得免開瓶費，當然唔係個個得，不過呢度嘅酒水都非常平。 無論海鮮，肉類，菜類，菇類都有非常之好嘅表現，個人特別鍾意呢度嘅燒牛舌，蟶子，扇貝仲有燒茄子。 個人食過四至五次，質素都非常對辦。推介大家必吃list: 1.蟶子，燒得剛剛好完全係海鮮嘅最好狀態。 2.翠玉瓜同蒜芯，加埋佢哋嘅調味絕對可以食兩碟。 3.燒雞翼同雞脾肉，仲可以食到雞嘅滑滑肉汁。 4.時令海鮮，今晚係粉絲蜆湯，嗰種清甜絕對不能錯過，你會出奇覺得一間串燒店做海鮮可以做得咁好。另外今晚燒嗰條魚都幾正。 5.燒菠蘿，同夜館做得一樣好。 6.鴨舌，送酒絕對一流。燒鱔一樣，你會即刻諗起台灣。 7.雞皮，脆到薯片咁。 8.大菇，好食嘅，朋友大推但係我覺得太甜同埋太飽。 9.蒜茸包，呢個絕對做得出色，簡單但係真係燒得好有心機先咁好食。 10.燒豆腐好少見，外層脆內層嫩。 當晚食同平時一定食又推介嗰十幾樣都差唔多，大家下次去可以參考吓，三五成群食串燒，去飲杯酒最好，星期五六晚，夜晚想食串串燒，呢度係一
無論海鮮，肉類，菜類，菇類都有非常之好嘅表現，個人特別鍾意呢度嘅燒牛舌，蟶子，扇貝仲有燒茄子。
個人食過四至五次，質素都非常對辦。推介大家必吃list: 1.蟶子，燒得剛剛好完全係海鮮嘅最好狀態。
2.翠玉瓜同蒜芯，加埋佢哋嘅調味絕對可以食兩碟。
3.燒雞翼同雞脾肉，仲可以食到雞嘅滑滑肉汁。
4.時令海鮮，今晚係粉絲蜆湯，嗰種清甜絕對不能錯過，你會出奇覺得一間串燒店做海鮮可以做得咁好。另外今晚燒嗰條魚都幾正。
5.燒菠蘿，同夜館做得一樣好。
6.鴨舌，送酒絕對一流。燒鱔一樣，你會即刻諗起台灣。
7.雞皮，脆到薯片咁。
8.大菇，好食嘅，朋友大推但係我覺得太甜同埋太飽。
9.蒜茸包，呢個絕對做得出色，簡單但係真係燒得好有心機先咁好食。
10.燒豆腐好少見，外層脆內層嫩。
當晚食同平時一定食又推介嗰十幾樣都差唔多，大家下次去可以參考吓，三五成群食串燒，去飲杯酒最好，星期五六晚，夜晚想食串串燒，呢度係一個幾好嘅選擇，記得一定要訂位。
好燒式串燒專門店 (大南街) 太子大南街32-34號地舖
Post
