首先叫左個刺身併盤 ，有大塊肥美既北寄貝，好新鮮又甜既帶子和油甘魚，刺身有水準 .
刺身之後仲有生蠔，好厚身，新鮮的蠔味湧入口腔內，係度食到有驚喜！
食咗刺身之後就叫咗個避風塘炒鮮魷，避風塘風味，少辣惹味。
首先店員會先放米飯、南瓜等係鍋底， 最後會變成鮮甜海鮮既粥。
首先食左瀨尿蝦 不得了 長過我塊面，肉質彈牙，正！ 海蝦又夠新鮮 抵食啊！
之後再來左龍蝦， 份量岩岩好 ， 肉質好爽 正！
貝殼類方邊，有大沙白、大刀背、大蜆，每款都大大粒，蒸完隻隻都開晒口，見到肥美的蜆肉脹，想一大啖食晒佢！
原隻鮑魚方面，店員把鮑魚肉和殻先分離，方便食客，好細心，加晒分而且都好新鮮，值回票價！蒸埋蠔 好juicy 真心鮮味！
蒸扇貝加上有粉絲係上邊 一定係一口食晒 真心好飽滿！
最後有埋去咗骨嘅馬友半條，好滑好新鮮， 食到好滿足！
蟲草花蒸鮮雞烏冬拼四蔬，有蒜蓉蒸蝦米勝瓜，蝦米咸咸地配上蒜蓉及勝瓜真是無得輸。還有蒸粟米、南瓜、番薯，翠玉瓜，健康番晒。蟲草花加新鮮的蒸雞雞件，在雞件的底下放上烏冬麵，吸曬的肉汁，唔食對唔住自己！
最後，食埋南瓜粥，煮到好綿密，好重海鮮味，好飽好滿足！
