因為呢度既刀削面份量大，而且餸又足料。點解話足料？因為呢度刀削面系用人手搓,不同於機器整出黎咁死實實，食落去系好煙韌同爽口,因為本身刀削面系有少許硬身既口感,類似於上海粗面同烏冬既質感。
我每次都叫少面,因為系好易有飽足感,我叫左一個麻辣豬肚刀削面,如果唔仲意食麻辣,可以走生蒜同麻辣油,如果唔系會食到流眼淚。豬肚系去左肥脂，完全唔覺得油膩，而且系好嚼頭。 另一個系上海菜飯配豬頸肉,份量其實都夠一日食肉既份量同應該有2碗飯,重點豬頸肉肉質系爽滑，最怕食豬頸肉系被粉拿太多,太鬆軟就唔好食，而且菜飯系小棠菜,同飯好夾,因為水份多，而且食落去唔會太乾！兩個女人買單都唔洗一百，但食到好飽。
