Video
Read full review
2021-06-20
26 views
喺荔枝角返工都算幸福，附近有好多好嘢食。最近發現一間近長沙灣，好有趣嘅豬扒專門店。原來呢間餐廳喺中環&銅鑼灣都有分店，行過見到佢嘅裝修都好有趣，又好台灣feel，令本來都唔太特別喜歡食豬嘅我，都好想去試吓🤣🤣。我同朋友兩個人入到去揀咗張高枱坐，感覺好舒服，裝修好文青。餐牌見到食物啲相都好吸引，好多都好想試，價錢都好合理。見好多人推介秘製蔥油豬扒飯，就叫一個試吓，另一個就叫沖繩豬軟骨飯，大家share 食。啲嘢食嚟到，真係嚇一嚇，啲餸好大碟，我同朋友兩個女仔都有啲擔心，唔知可唔可以KO到佢哋😅。秘製豬扒果然係招牌菜，厚切豬扒炸得好香口，超大件好抵食，加埋勁多蔥油，撈飯真係好正😋！豬軟骨飯又係性價比超高，有三大件，炆得好腍好入味，成碗飯都有好香嘅汁，連啲配菜都好食，餸飯一流！我哋兩個女仔真係差啲食唔晒，因為真係份量好多，男仔去食一定食得好開心。食豬食到咁滿足真係第一次😆😆
我同朋友兩個人入到去揀咗張高枱坐，感覺好舒服，裝修好文青。餐牌見到食物啲相都好吸引，好多都好想試，價錢都好合理。見好多人推介秘製蔥油豬扒飯，就叫一個試吓，另一個就叫沖繩豬軟骨飯，大家share 食。
啲嘢食嚟到，真係嚇一嚇，啲餸好大碟，我同朋友兩個女仔都有啲擔心，唔知可唔可以KO到佢哋😅。
秘製豬扒果然係招牌菜，厚切豬扒炸得好香口，超大件好抵食，加埋勁多蔥油，撈飯真係好正😋！
豬軟骨飯又係性價比超高，有三大件，炆得好腍好入味，成碗飯都有好香嘅汁，連啲配菜都好食，餸飯一流！
我哋兩個女仔真係差啲食唔晒，因為真係份量好多，男仔去食一定食得好開心。食豬食到咁滿足真係第一次😆😆
4 views
0 likes
0 comments
Post
